10:00etan eman diote hasiera egunari, txistularien alboradarekin, baina dantzak ez dira 11:00ak arte hasi. Auzoz auzo aritu dira Antzuolako, Soraluzeko, Aretxabaletako, Arrasateko –Lore Gazteak eta Txikitxu–, Oñatiko, Zumarragako eta Legazpiko dantzariak, eta 12:45ean hasi dute goizeko saioa, Herriko Plazan. 17:30ean, berriz, euskal dantzek berriro beteko dute plaza, orduan hasiko baita arratsaldeko saioa.