Herriko kaleetako gabeziak identifikatuko dituzte lehen saioan, konpondu beharrekoak zeintzuk diren. Eguenean egingo dute horretarako irteera, irailaren 28an, Torresoroatik beherantz abiatuta, 10:30ean. Amaitzeko, kafea izango dute, 12:00etan, Landatxope elkartean.
Jakinarazi dutenez, identifikatutako gabeziak argazki bidez jasoko dituzte eta Udalari pasatuko dizkiote txosten batean. Are gehiago, Aritz Igeltz Antzuolako Udaleko Hirigintza zinegotzia ere ibilbidean izango da taldeko kideekin batera. Gainera, egitasmoak ez du lehen aldia, aurrez beste behin ere egin baitzuten.
Hala, jubilatuak ez ezik, edozein herritar gonbidatu dute parte hartzera, ohartaraziz jaka horia eramatea komeni dela.