Martxoan zen egitekoa lasterketa, ohi den eran, baina moto-laguntzaileen afera zela-eta, bertan behera uzteko erabakia hartu zuten. Alabaina, Peña Aiastui txirrindulari elkarteko partaideek orain heldu diote hitzorduari, eta, hala, gaur egin dute.
10:00etan hasi dute proba Herriko Plazan, eta 81 kilometroko ibilbidea egin behar izan dute parte hartzaileek. Azkenean, Unax Errasti antzuolarra izan da lehena Uzarraga gainera heltzen, eta, podiuma osatuz, atzetik izan ditu Ibai Irisarri eta Markel Gonzalez.
Guztira, 103 txirrindulari iritsi dira helmugara.
