Landatxope jubilatuen elkarteak antolatuta, gaur egin dute bazkaria Antzuolako herri eskolako patioan. Dozenaka lagun batu dira, eta, ohi den legez, bi herritar omendu dituzte, aurtengo jaietako zapia jarrita.
Bazkarian parte hartzen duten emakumezko bat eta gizonezko bat izaten dira normalean omendutako biak, eta horrela izan da aurtengoan ere. 89 eta 90 urte dituzten Ana Maria Davilak eta Eloy Sanchezek jaso dute omenaldia, hurrenez hurren. Eta, ospatzeko, dantza lotua egin dute elkarrekin, bertaratutako beste zenbaiten begiradapean.
Alabaina, ez dira bazterrean gelditu gainontzeko jubilatuak, aise animatu baitira plazara, trikiti eta panderoaren soinupera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
