Goizeko 09:30ak aldera atera dira Aiherra eta Antzuolako dozena bat lagun Legazpitik eta Antzuolarako bidea hartu dute; Arrola menditik iritsi dira Torresoroa parera. Ondoren, haritza landatu eta Danok Bat elkartean egin dute bazkaria parte-hartzaileek.
Martxoaren 21ean aurkeztu zuten 'Mugak zubi' mendi zeharkaldia bi herrietako udalek. Duela 39 urte sortutako senidetzea are gehiago sendotzea du helburu ekimenak, eta bi herriak lotzen ditu ibilbideak: 204 kilometro, hamabi etapatan. Martxoaren 25ean egin zuten lehen etapetako bat bi herrietako lagunek: Lekornetik Aiherrara bitartekoa.