'Bollywood, Bombay, Barcelona' ikuskizuna izango da zapatuan Torresoroan

Amaia Ramirez de Okariz Kortabarria 2023ko mar. 28a, 10:02
'Bollywood, Bombay, Barcelona' ikuskizuneko irudi bat.

Liquido Teatro da egilea, eta gazteleraz izango da. 19:00etan hasiko da, eta zortzi euro ordaindu beharko da sarrera. Egileek azaldu dutenez, "migrazio fenomenoari buruzko ikuskizun bero eta atsegin bat da". 

Bombaytik Bartzelonara iritsitako hiru etorkin dira protagonistak, eta aurre egin behar diote kultura talkari zein nostalgiari, aurrez sorturiko ilusioak errealitatearekin bat ez datozela ohartzean. "Laneko, etxeko edo integrazioko arazoek egoera zailak sortzen dituzte, eta haiek baikortasun superlatibo batetik gainditzen saiatzen dira, Bollywoodeko dantzetan errefuxatuta". Hala ere, nabarmendu dute beste edozein izan zitekeela pertsonaien jatorrizko herrialdea zein helmugako hiria, "fenomenoak haien arteko paralelismo askorekin errepikatzen baitira".

Horretarako, dantza koloretsuak eta komedia uztartuko dituzte, publikoarekin konektatzeko "hizkuntza entretenigarria" eskainiz. "Emaitza, beraz, migrazioaren garaira hurbilketa bat da, eszenografiaren eta jantzien dibertsio, ezusteko eta originaltasun plastikoak abiatuta".

Bibe plataforman erosi daitezke sarrerak; edo, bestela, egunean bertan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak