Hala, herritarrak zoriondu ditu, "guztien artean eginiko esfortzuarengatik eta ahaleginarengatik". Dena den, arau-hauste batzuk ere hauteman ditu; eta horiei erantzuteko, ohartarazpen batzuk egin ditu.
Jakinarazi dutenez, hondakinak ezin dira lurrean utzi, eta "are gutxiago" bereizi gabe egon ezkero. Horrez gainera, ontzia hustu ondoren, ahalik eta azkarren erretiratu behar da, eta apurtuta izan ezkero, Udaletxean berria eskatu daiteke. Hondakin organikoak biltzeko poltsei dagokienez, berriz, konpostagarriak izan behar dute, eta kuboan atera behar da esekitokira.
Traste zaharrak ateratzeko araudiaren berri ere eman du, eta gogorarazi du egutegia errespetatu egin behar dela. Kasu honetan, eguenetan, 20:00etatik 22:00etara atera daitezke eta aldez aurretik 943 711 938 telefonora deitu behar da.
