Antolatzaileek jakinarazi dutenez, euskaraz egin duen lehen sortze lana da, "euskaldun berria" delako, eta, beraz, tailerra ere horren ingurukoa izango da. Ordu eta erdiko iraupena izango du. "Asmoa da ikaskuntza-esperientziak partekatzea eta antzerki dinamiken bidez hizkuntzarekin eta hitzekin jolastea".
Tailerra irekia da eta ez da aurre-esperientziarik behar.
Baita antzezlana ere
Horrez gainera, Eider Sanz eta Amaia Santamaria artistak ere egonaldia egiten ari dira Antzuolan, eta apirilaren 22an egingo dute Atalak antzezlanaren amaitu gabeko erakustaldia, 19:00etan, Olarango ekintza aretoan.