Duela bi urte hasi ziren Hiri Antolamendurako Plan Orokorra garatzen. Herritarren parte-hartzea hizpide, Antzuolako lurren inguruko hausnarketa egin eta diagnostiko-dokumentu bat ondu zuten. Herria nola dagoen eta herriaren garapenerako zein gune izan daitezkeen gako jaso zuten; arkitekto talde batek landua da, eta, orain, Plan Orokorraren aurrerapen dokumentua egin du, herriak hirigintzan izan ditzakeen aukeren berri emateko.
Torresoroan aurkeztuko dute, martxoaren 2an, 18:00etan, baina ondoren, hiru hilabetez egon beharko du jendaurrean, eta, ostean, beste bi hilabete jendearen alegazioetarako. Beraz, udazkenean hasiko da Plan Orokorraren ziklo berria; erabakiak hartzekoa. Hala, horretarako, tailer parte-hartzaileak antolatuko dituzte.
Unean ez da ezer erabakiko, baina Udalak jakinarazi du garrantzitsua dela "ahalik eta jende gehien joatea" aurkezpenera, gerora zer erabaki beharko den jakingo delako.
