29 bikotek hartu dute parte guztira txapelketan. Urtarrilaren 14an egin zuten lehen kanporaketa, eta, ordutik, beste bi egin dituzte. Hala, zazpi bikote sailkatu dira azken fasera, eta finalaren amaieran jokoan aritu diren bi bikoteez gain, parte hartu dute Markel Letek eta Gorka Etxezarretak, Ion Iturbek eta Mikel Lizarazuk, Asier Unamunok eta Mikel Gabilondok, Anselmo Martinezek eta Serafin Vicentek, eta Andoni Rodriguezek eta Jesus Moraisek.
Finaleko azken fasean aritu diren bi bikoteez gain, Gipuzkoako fasera igaroko dira Letek eta Etxezarretak, eta Iturbek eta Lizarazuk osatutako bikoteak. Euretako batek huts egin ezkero, berriz, Unamuno eta Gabilondo lirateke ordezkoak.
Hala, antolatzaileek eskerrak eman dizkie laguntzen aritu direnei, sari banaketa ederra egin zela nabarmenduta.