Normalean, San Blas baselizako kanpai hotsak iragartzen du mezaren hasiera, baina aurten bertaratutakoek ez dute halako deirik izan, kanpaira doan soka puskatuta dagoelako. Dena den, bi urteren ostean, hainbat herritar batu dira 12:00etan hasi den mezan; opilak bedeinkatu dituzte eta zenbaitzuk kandelak ere piztu dituzte.
Amaitzean, berriz, Basaldeko auzotarrek prestatuta, salda eta txorizoa dastatu dituzte herritarrek, trikitilari gazteen doinuen pean.
Hala, bideo honetan jaso ditu ospakizuneko irudiak Iñigo Ramirez de Okariz Telleria herritarrak.