Gaur da San Blas eguna, baina Basalde auzoko baselizan bihar ospatuko dute. Meza izango da 12:00etan eta opilak bedeinkatuko dituzte. Horrez gain, salda eta txorizoa banatuko dituzte amaitzean.
Bestalde, Santa Ageda egunaren bezperan, bihar, 2005ean jaiotako kintoak baserriz baserri arituko dira goizean goizetik. Eta arratsaldean, berriz, Anelkar elkarteak eskea antolatu du. Txistulariekin eta abesbatzarekin batera 18:00etan elkartuko dira, Herriko Plazan. Herria girotzeko asmoa dute, ohitura berreskuratzearekin batera. Eta, gainera, jasotzen den duten dirua Kongoko eta Senegalgo proiektuetarako bideratuko dute. Beraz, herritarrak parte hartzera animatu dituzte.
Azkenik, Santa Ageda egunean, domekan, Galartza auzoan izango dira ospakizunak. 11:15etan kanpai hotsak izango dira eta 12:00etan meza, Santa Ageda ermitan; ostean, hamaiketakoa.
