Ados Pilota elkarteak antolatuta, Eskuz Binakako Txapelketako partiduak jokatuko dituzte domekan, Antzuolako udal pilotalekuan. 11:30ean hasiko dira, eta bi partida izango dira. Lehenean, Ibarrolak eta Insaustik jokatuko dute Gordonen eta Oskozen aurka. Eta, bigarrenean, aurrez aurre izango dira Iturriaga eta Leire Galeano eta Arrieta eta Zabaleta. Hala, bi antzuolar arituko dira pilotan: Insausti eta Galeano.
Sarrera debalde izango da, eta partidu hauen aurretik, Antzuolako infantilen partidua izango da, Bergarakoekin batera. 11:00etan hasiko dira.