Bost bikotek hartu zuten parte lehen kanporaketan, eta Miren Iturbek eta Jesus Kortabarriak osatutako bikoteak lortu zuen finalerako txartela. Bigarren aldian, zortzi bikote aritu ziren musean, eta bi sailkatu ziren: Mikel Gabilondo eta Asier Unamuno, eta Andoni Rodriguez eta Jesus Morais.
Hirugarren kanporaketa izan zen, ordea, jendetsuena. Hamasei bikotek hartu zuten parte Arin tabernan jokatutakoan, eta lau igaro dira finalera: Markel Lete eta Gorka Etxezarreta, Ion Iturbe eta Mikel Lizarazu, Anselmo Martinez eta Serafin Vicente eta Jon Etxezarreta eta Ander Aranburu.
Hala, otsailaren 5ean jokatuko dute finala, eta bikote irabazleak Euskal Herriko Mus Txapelketara igarotzeko aukera izango du, Gipuzkoako fasera.