Joan den zapatuan, hilaren 14an, jokatu zen Antzuolako Mus Txapelketako lehen kanporaketa, Mox tabernan. Bost bikotek hartu zuten parte, eta Miren Iturbek eta Jesus Kortabarriak osatutakoak lortu zuen finalerako txartela.
Bihar, egubakoitza, berriz, bigarren kanporaketa jokatuko da. Gailur tabernan izango da 22:30ean. Beraz, parte hartu nahi duten bikoteek bertan eman beharko dute izena, 20 euroren truke.
Beste kanporaketak
Hirugarren kanporaketa Arin jatetxean izango da, urtarrilaren 28an, 16:30ean. Eta finala, Ongi Etorri jatetxean, otsailaren 5ean, 16:30ean. Hala, bikote garailea Euskal Herriko Mus Txapelketako Gipuzkoako fasera sailkatuko da.