Elurrak auto pilaketak sortu ditu Deskargan eta hainbat autobus zerbitzu bertan behera utzi

Itziar Larrañaga Sarasola 2023ko urt. 18a, 09:08
Autoak geldi Zumarragatik Deskargara bidean 09:00ak bueltan.

Trafiko Sailak jakinarazi duenez auto ilara luzeak sortu dira Deskargan eta trafiko patruilek zailtasunak izan dituzte bertara iristeko. Udanan, bestalde, kateak behar dira, eta horrek ere eragina izan du trafikoan.

Deskargako auto-ilaren arrazoia errepidean pilatutako elurra izan da. Istripurik egon ez dela ere adierazi dute, matxuratutako auto bat errepide izkinan gelditu bada ere.

Moldaketak egin dituzte garraio publikoan, eta hala, Arrasate-Zumarraga zerbitzua, DG04 autobusa, Arrasate eta Oñati arteko tartera mugatu da. Izan ere, Udanan kateak erabiltzea derrigorrezkoa da. Halaber, Lurraldebusetik ohartarazi dute DG20E (Bergara>Elgeta) eta DG21E (Leintz Gatzaga>Eskoriatza>Arrasate) lineak bertan behera daudela abisu berria izan arte. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak