Bost urte bete ziren domekan Hego Euskal Herriko pentsiodunak protestan hasi zirenetik, eta hainbat mobilizazio eta jai egin zituzten atzo. Antzuolan, ohi den moduan, astelehena izanik, elkarretaratzea egin zuten herriko plazan, 12:00etan.
Jakinarazi dutenez, 25 lagun inguru bildu ziren, "euri eta eguraldi narrasari" aurre eginez, Gutxieneko pentsioa 1.080. Euskal babes sistema publikoa lelopean. Areago, Euskal Herriko Pentsiodunen Mugimenduak eginiko aldizkaria guztiak ere banatu zituzten.
