Otsailaren 18an, zapatua, ospatuko dituzte inauteriak Antzuolan, eta Oinarin dantza taldekoek txarri dantza ikasteko entseguak antolatu dituzte astelehenero. Hilaren 9an hasiko dira, arratsaldeko zazpietan, Torresoroan.
Izan ere, euskal dantzek alaitu ohi dute herria inauterietan, goizeko kalejirarekin eta ondorengo dantza saioarekin, eta aurten ere ez dute hutsik egingo. Gainera, dantza taldeko kideek jakinarazi dute sorgin dantza ere egingo dutela, entseguen eguna eta ordua oraindik zehaztu gabe duten arren.
Hala, herritarrak parte hartzera animatu dituzte.
