Errotuta dagoen ohituretako bat da Antzuolan urte berriari Arrola mendian egitea ongi etorria, eta horrela egin dute aurten ere. Mendi irteera egin baitzuten atzo goiztiarrenek. 09:00etan abiatu ziren gorantz, eta Loixetatik, Altzetatik eta Azpillagako txabolatik igo ziren.
Salda eta txorixoa dastatzeko aukera ere izan zuten ostean, Joxe Lizarralde Zupide-k eta Imanol Lizarraldek egin baitzuten. Hala, 125 herritar inguru igaro ziren bertatik, mendizale elkartekoek jakinarazi dutenez. Areago, 50.urteurreneko ospakizunak amaitzeko, Jesus Kortabarria Kaxeta-k bertsotan egin zuen.
Hemen duzue kronika eta argazki galeria osatua.
