Kursaal eskura programaren baitan antolatutako ekintzetako bat da, eta Mahler Chamber Orchestrarekin batera arituko da musikari japoniarra. Bere teknika "gardena, zaindua eta adierazkorra" dira dituen ezaugarri nabarmenetako batzuk, programako antolatzaileek jakinarazi dutenez.
Ikuskizunaz gozatu nahi izanez gero, beraz, www.kursaal.eus webgunean eskuratu daitezke sarrerak, eta autobuserako udaletxean eman behar da izena. Telefonoz deituta edo kultura@antzuola.eus helbidera mezu bat bidalita ere eman daiteke izena. Hala ere, urtarrilaren 9a izango da azken eguna.
30 urtez azpikoek eta langabeek, gainera, hiru euroren truke eskuratu ditzakete sarrerak. Emanaldia hasi baino 30 minutu lehenago gerturatu beharko dira leihatiletara.
Gutxieneko kopurua
Udaletik, ordea, jakinarazi dute gutxienez hamabost pertsonako talde bat osatu beharko dela garraioa jartzeko; hala ezean, sarreren dirua itzuliko da.