Santo Tomas egunaren bueltan, ospakizunerako aitzakia ezin hobea topatu zuten pasa den eguaztenean, hilaren 21ean, Landatxope erretiratuen elkartean, txistorra jana egin baitzuten arratsaldean.
Momentu hori baliatu zuten, ordea, abenduan jokatutako karta txapelketako sari-banaketa ere egiteko. Jose Ignazio Garitano eta Felix Alonso izan ziren irabazleak punttuan, eta baita briskan ere. Tutean, berriz, Jose Mari Segurola eta Mariano Urrutxi izan ziren garaileak, eta Gerardo Muñoz eta Juan Miguel Pagaldai, musean.
Behin sariak banatuta, datozen egunak ongi pasatzea opa diete elkarteko kideek Antzuolako herritarrei.
Mariano Urrutxi eta Jose Mari Segurola, Joxe Anjel Arbulu lehendakariarekin, tuteko irabazleak.
Gerardo Muñoz eta Juan Miguel Pagaldai, Joxe Anjel Arbulu lehendakariarekin, museko irabazleak.
