Durangoko Azokaren Zu non, han DA! ekimenaren baitan, Jakoba Errekondok Ilargia eta landareak 2023 urteko lanen agenda aurkeztu du Itzar liburu dendan. Ortuzainei teoria haien sailetara egokitzen laguntzeko asmoarekin sortu zen agenda.
Hala, ilargiaren araberako urte guztiko lanak jasotzen ditu. Urtero gai bati heltzen dio eta aurten baratzean laguntzaile diren animaliak dira protagonista. 20 bat antzuolar gerturatu ziren aurkezpenera eta galderak egiteko aukera izan zuten. Besteak beste, ongarriak, ladare-zorriak eta barazkien gaitzak izan zituzten hitz gai. Landareen gaitzak sendatzeko tratamendurik ez dagoela eta prebentzioa dela gakoa azpimarratu zuen. Haziak bertakoak izatearen garrantziaz ere jardun zuten.
Gustura azaldu da Eneida Iturbe, Itzar liburu dendako arduraduna: "Oso giro polita sortu da solasaldian eta asko ikasi dugu. Azoka Euskal Herriko liburu dendetara horrela zabaltzea ideia bikaina da eta berriro hartuko nuke parte".
