Abenduaren 15a
Mendi elkarteen gaurko egoeraz eta etorkizunaz mintzatuko dira mendi federazio eta bailarako mendi ordezkariek antolatutako mahai-inguruan. Torresoroan izango da, 18:30ean.
Ondoren, 20:00etan, Mendian gora erakusketa irekiko dute Olaranen. Euskal Herriko mendizaletasunaren historiako giltzarri nagusiak gogorarazi nahi dituzte erakusketako 22 azalpen-panelek. Gainera, Arrolak egindako ekintzen argazki eta bideoez osatutako ikus-entzunezko bat egongo da –bere 50 urteei errepaso egiten dionak–. Abenduaren 15ean hasi arren, asteburu osoan zehar egongo da zabalik eta astean zehar bisitatzeko aukera egongo da eskaeren arabera.
Abenduaren 17a
Aitzuri mendira irteera antolatu dute. Parte hartzeko, mezu bat bidali behar da aldez aurretik, arrolamt@gmail.com helbidera.
Abenduaren 26a
San Esteban egunean, herritarrek Arrolaren logotipo berria hautatu ahal izango dute Antzuolako plazan. Hiru aukeren artean bozkatuena hemendik aurrera erabiliko dena izango da.