"Erretiratuek bazeukaten gogoa berriro batu eta karta jokoan jarduteko elkartean. Harremanak indartzeko eta buruari eragiteko aukera aparta da, eta txapel- keta berriro martxan jarri behar genuela argi geneukan elkarteko kideok", azaldu du Lorentxo Iturbek, Landatxopeko batzorde kideak.
Hala, bikote askok parte hartu dute orain arte egin diren lehiaketetan. "Punttuan hamar bikote izan ditugu lehiatzen, briskan zazpi eta tutean, aldiz, zortzi. Gaur, musean zortzi bikotek jardungo dute, arratsaldeko lauretan hasita", gaineratu du Iturbek.
Domeketan bingoa
Karta txapelketa ez ezik, berriro berreskuratu dute domekeroko bingo-jokoa ere. Arratsaldeko bostetatik zazpietara bitartean erretiratu ugarik parte hartzen dute, gainera. Hala, etzi arratsaldean bingoaz gozatzeko aukera izango da.
