Azken urtean jaiotako neska-mutikoak eta haien gurasoak jaietara gonbidatu zituzten Udal ordezkariek zapia lepoan jarrita; atzo iluntzean, jaien hasieran, egin zuten ekitaldia. Herriko nagusienak ere omendu zituzten, Maria Luisa Mendizabal eta Vitaliano Fernandez, eta horiei ere jarri zieten zapia lepo bueltan.
2021eko herriko jaietatik 2022ko jaiak bitartean jaiotakoak hamabi dira eta horietako bederatzik jaso zuten Udal ordezkarien oparia atzo. Mendizabalek zein Fernandezek, ostera, 90 urteko langa gaindituta dute, eta herriko nagusienak izatearen aitortza egin zieten jaietako lehen egunean.
2022ko jaiak girotzeko Oier Peñagarikano antzuolarraren diseinua duen zapia jarri zieten guztiei.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.