Jaietan herritarrek kontuan izan beharreko oharrak

Uztailaren 14tik 19ra bitartean hainbat ohar kontuan izan beharko dituzte herritarrek, hala nola, aparkatzeko, hondakinak kaleratzeko zein herri bazkaritan parte hartzeko gogoan izan beharko dituztenak.

Aparkatzeko oharrak

Ibilgailuek, ezingo dute aparkatu uztailaren 19ra arte, plazan, eskola aurrealdean eta Sagasti 1 ataritik frontoi osteraino. Gainera, kalea trafikoari itxita egongo da jai guztietan: Kalebarren 17tik (zubia barne) Buztinzuri 15era arte; eta Sagasti 1etik frontoi osteraino.

Barrakak

Bidaiaren prezioa bi eurokoa da; sei bidaia, aldiz, 10 euro. Domekan, umeen eguna, bidaiako 1,30 euro izango da. Ordutegiari dagokionez, 12:00etatik 14:00etara eta 17:00etatik 01:00etara. Egunero ordu bat egongo da musika gabe: 17:00-18:00.

Jaietako zapia

Aurtengo zapiaren diseinua Oier Peñagarikanok egindakoa da. Tabernetan egongo dira salgai 3 eurotan.

Herri bazkaria eta afariak

Eguen gaueko herri afaria

Ez dago izena eman beharrik. Denentzako adina mahai eta jarleku egongo dira. 23:50ean bertan afaldu dutenen artean jasoko da dena.

Egubakoitzeko herri bazkaria

Ez dago izena eman beharrik. Denentzako adina mahai eta jarleku egongo dira. Bazkarian parte hartuko dutenek muntatuko dituzte mahai eta bankuak. Bertan bazkaldu dutenen artean jasoko da dena.

Domekako herri bazkaria

Ez dut moztuko bizarrak antolatu du. Dena beraiek egiten dute eta ondoren jaso bertan bazkaldu dutenen artean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.