Urtero moduan, herriko jaien aurreko domekan egin dute bazkaria Landatxope elkarteko erretiratuek. Eskolan elkartu dira, 80 bat lagun; tartean, Antzuolako alkate Beñardo Kortabarria.
Gaurko bazkarian egon diren edadetuenek oroigarria jaso dute erretiratuen izenean: hain zuzen, Maritxu Mondragonek eta Asentzio Azkaratek. "Giro polita izan dugu bazkarian zehar eta bazkal ondoren dantzaldia egin dugu", azaldu du Landatxope elkarteko presidente Joxe Angel Arbuluk.
Dantzaldian zehar, gainera, herriko abeslari Salvador Olabarriak mikrofonoa hartu eta abestu egin du, guztien gozamenerako.
Horrez gain, Arbuluk eskerrak eman nahi dizkie bazkarian laguntzen eta zerbitzari lanak egiten ibili diren guztiei.
