Jaien bueltan egin ohi duten maila handiko pilota jaialdia bi aste aurreratu dute, Oinatz Bengoetxeak joka zezan. Aitor Mendizabalekin ari da azken aldian frontoiz frontoi, beste patxada batekin, eta atzo aurkari izan ziren.
Leitzarrak Balerdi antzuolarrarekin osatu zuen bikotea, eta Mendizabalek Iñigo Pascualekin. Balerdi eta Bengoetxea nagusitu ziren, partidu estu batean (22-20).
Horien aurretik Galeano ahizpek Barrocal eta Intxaustiren aurka jokatu zuten. Antzuolarrek etxean ondo jokatzen dakitela erakutsi eta 18-13 gailendu zitzaien aurkariei. 200 lagun baino gehiagok jarraitu zituzten partiduak harmailetatik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
