Izan ere, testu, irudi, musika eta kantu bitartez, Arrolaren sasoi bateko mendi irteerak nolakoak ziren irudi- katuko dute. Irteera horietan sortutako emozioak, sentsazioak eta harremanak ere islatuko dituzte. Horretarako, Alborada txistulari taldea eta herriko abesbatza hasiak dira entsegu lanetan, besteak beste. Arrolako txistulari taldearen sortzaile Jose Inazio Jauregi Barberito ere gogoan izango dute ekitaldian.
Ereserki propioa
Jose Ramon Vitoria musikari arrasatearrak Arrola taldearen 50. urteurrena ospatzeko ereserkia konposatu du. "Musika bandarako eginda dago, baina txistu taldearendako ere aproposa da. Letra eta guzti egin du Vitoriak; oso eskertuta gaude", kontatu du Iñigo Ramirez de Okarizek. Esan behar da urriaren 1ean egingo duela Arrolak herritarrekin festa berezia.