Dagoeneko talde eragilean zein saio irekietan aritu dira lanean herritarrak. Pasa den saioetan Antzuolako hirigintzarako egokiak diren lurren balorazioa egin zuten eta jarduera ekonomikoen ikuspegia jaso zuten: besteak beste, energia, ingurumena eta lurraren okupazioa aztertu zuten. "Zertarako dira egokiak Antzuolako lurrak? galdera horren bueltan jasotako ekarpenen bitartez, lur horien egoeraz eta ezaugarriez hitz egin dugu orain arte, eta zein neurritan eta zertarako baliagarriak diren etorkizuneko Plan Orokorrean azaldu", kontatu dute talde eragileek.
"Datorren saio irekian ekarpen horietaz baliatuko gara HAPOaren aurrerakinak jasoko dituen antolamendu aukera desberdinak irudikatzeko. Horretarako maiatzaren 26ean Torresoroan, 18:30etik 20:30era egingo den saio irekian parte hartzeko eskatzen diegu herritarrei".