Aurtengo gazte mailako Uzarragako igoera martxoaren 26an, zapatuan, jokatuko da Antzuolan. Osasun egoerak hobera egin duela ikusita, Aiastui taldeak lasterketa berriro martxoan antolatzea erabaki du. Aurten, gainera, eta iaz ez bezala, arratsaldez abiatuko dira txirrindulariak, 16:30ean.
57 kilometroko lasterketa izango dute ziklistek aurretik, baina azken urteetako ibilbidea derrigor aldatu behar izan dute antolatzaileek; izan ere, Udanako mendatea itxita dago, gaur-gaurkoz. Hala, Bergara, Osintxu, Ber- gara, Elorregi, Zubillaga, Elorregi eta Bergarako zirkuituari bi itzuli emango dizkiote parte-hartzaileek, azkenean Antzuolara bidea hartu eta Uzarragako gainera igo aurretik. Unax Errasti txirrindulari antzuolarra ere bertan izango da, Ulma taldeko elastikoarekin.