Iaz Pirritx, Porrotx eta Marimototsek Antzuolako herriari oparitu zioten gereziondoa landatu dute gaur. Eremua atontzeko harriak margotzen aritu dira lehenbizi umeak, eskolako patioan, eta ondoren, trikitilariek lagunduta, kalejiran joan dira San Joseko belardira zuhaitza landatzera.
Bizipozaren Eguna izenpean egin dute zuhaitz landaketa. San Joserako bidean, lehen bihurgunearen parean dagoen belardian landatu dute, zehazki. Haurren eta erretiratuen artean landatu dute gereziondoa, eta lore batzuk ere landatzeko aprobetxatu dute hitzordua. Amaitutakoan, haurrek grabatutako kanta baten musikarekin lagunduta, dantzak izan dira gereziondoaren bueltan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
