Dolua du ardatz lanak. "Orain dela bost urte ama hil zitzaigun. Hainbat praktika artistiko egin nituen gaia lantzeko eta erabaki nuen, ni aktorea izanda, praktika artistiko hori praktika kolektibo bilakatzea", azaldu du Oier Zuñiga aktore eta zuzendariak. Bada, Geuretik sortuak ekimenarekin etorri zitzaion aukera hori.
Hilabeteko egonaldia
Bergarako, Antzuolako eta Elgetako Udalen laguntzarekin egin du aurrera proiektuak. Hiru aktoreek hilabeteko egonaldia egin dute aipatutako hiru herrietan; eta, hain zuzen, herritarrekin izandako harremanak eman dien indarra nabarmendu du Zuñigak.
