Gazte txoko berria "ilusioz" estreinatu dute asteburuan

Omikron aldaerak eraginda, gazte txoko berriaren irekiera atzeratu egin behar izan dute, baina jada herriko gaztetxoek estreinatu dute lokal berria. Baita rokodromoa ere.

"Egungo egoera dela-eta gazte txokoa bi astez itxita edukitzea erabaki genuen. Baina ilusio handiz abiatu dugu ikasturtea", kontatu du Zumaia Elkoro di-namizatzaileak. "Urtarrileko programazioaren baitan, lokalaren lekualdatzea –lokal zaharretik berrira trasteak elkarlanean eramatea–, gazte txokoa dekoratzea zein pelikulak ikustea dugu aurreikusita. Lehen asteburua oso ondo joan da; 45 gazte inguru etorri zen laguntzera eta lokal berria estreinatzera. Lokalaren erabilera arauak ere adostu ditugu elkarrekin".

Rokodromoa ere bertan izanik, eskalatzeko aprobetxatu dutela gaztetxoek kontatu du dinamizatzaileak –gazte txokoko ordu- tegian, ezingo dute herritarrek rokodromoa erabili–. Otsailetik aurrera tailer eta ekintza gehiago egingo dituzte- la dio gazte txokoko dinamizatzaile Elkorok.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.