"Gaur hasi dugu elkartearen 50 urteurrena Arrolara joanda eta ondoren, Lizargaraten salda eta txistorraz gozatuz. Baina gaurko saioak bazeukan berezitasun bat, isilik mantendu duguna: Joxe Zupideri egindako omenaldia, alegia. Elkartea bera dagoenetik arduratu da urtarrilaren 1eko salda eta txistorraz; lehen Argi-Lekun, eta orain Lizargaraten", azaldu dute Arrolako kideek.
Txapela jantzi diote eta oparia eman. Jesus Kortabarria Kaxetak bertsoak eskaini dizkio. Ondoren, aurreskua egin diote herriko txistularien laguntzarekin. "Oso ekintza xumea bezain maitagarria izan da. Jende pilo bat elkartu gara. Salda eta txistorra jatera 98 pertsona igaro dira goizean zehar. Antolatzaileok, nola ez, oso gustura".