Guztira, 52.000 euro banatuko dituzte, eta sari nagusia 30.000 eurokoa izango da. Txartel bakoitzarekin kode bat banatuko dute, Izar eta Estel ipuina ezagutarazteko. Gailurra zain dugu erronka kolektiboa finantzatzeko baliatuko ditu Gure Eskuk Tripontzia-ren bidez jasotako ekarpenak. Zehazki, uztailaren 2an, Pirinioetako bidean dauden ehunka gailur argiztatzea da erronka, Euskal Herriaren eta Kataluniaren autodeterminazio eskubidearen alde.
Urtarrilaren 22an egingo duten zozketaren txartelak abenduaren 3an jarri zituen Antzuolako Gure Eskuk salgai lehenengoz. Kalebarrenen egon ziren orduan, eta gaur, 18:30etik 20:00etara Ogi Berri okindegian egongo dira. Domekan, ostera, bi salmenta postu jarriko dituzte, 12:00etatik 14:00etara: bata Kalebarrenen eta bestea Ogi Berrin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak