Antzuolako Udalak eskolako eta pilotalekuko atezain lanpostua osatu nahi du. Egin beharreko zereginen artean hauek daude: eskolako eta pilotalekuko ateak zabaltzea eta ixtea, alarmaz arduratzea, argi, ur eta berotze instalazioak kontrolatzea, pilotalekua eta ikastetxea zaintzea eta, bereziki, ikastetxean ezagutza espezializaturik eskatzen ez duten mantentze-lan txikiak egitea –zurgin, iturgin, argiketari, pintura eta garbiketa lanak–.
Kategoriaren arabera Udalak bestelako zereginak betetzea agindu dezake. Horrez gain, udal-langileen taldeak laguntza behar duen aldiro, hura ere eman beharko du. Baloratuko da, berriz, argiketari, igeltsero, iturgin, arotz, margolari eta teknologia berrietan esperientzia ziurtatua izatea. Bete beharreko baldintzen artean daude eskola-ziurtagiria edo baliokidea izatea, euskaraz jakitea eta Antzuolan erroldatuta egotea. Izena Lanbiden eman behar da, hilaren 29a baino lehen.
