Genero indarkeriaren aurka egiteko elkartasuna adierazi dio Antzuolako PSE-EEk Udal Gobernuari

Antzuolako udal-talde sozialistak adierazi duenez "oso albiste ona" da Antzuolako Udalak ia 5.000 euro (4.814 euro guztira) izatea indarkeria matxistaren aurkako proiektuak finantzatzeko, genero-indarkeriaren aurkako Estatu Itunaren funtsei esker. Hala, Udal Gobernuari genero indarkeriaren aurkako estatu itunaren funtsekin ekintzak adosteko elkartasuna adierazi dio.

Funts horien kargura finantzatutako programek 2021eko uztailaren 1etik 2022ko ekainaren 30era bitarteko gauzatze-aldia hartuko dute. Espainiako Gobernuak 891.542,66 euroko ekarpena egingo die udalei, genero-indarkeriaren aurkako Estatu Ituna garatzeko.

Miren Gallastegik, Antzuolako udaleko bozeramaile sozialistak, azaldu du beste behin genero-indarkeriaren aurka azaltzen dela alderdia. "Desberdintasunaren agerpenik basatiena da, tamalez oraindik ere gure gizartean dirauena. Haren aurka borrokatzea, eta aurre egitea sozialisten konpromisoa da, eta hori da gure lehentasun nagusia, giza eskubideen arloko gaia baita PSE-EErentzat".

2021ean  41 emakume hil dituztela ekarri du gogora; horietako bi EAEn, bikotekideen edo bikotekide ohien esku. Aurten, hilketa horiei 3 neskato eta 2 mutikoren hilketa gehitu behar zaizkiela gaineratu du. Halaber, Marian Ibarluzea Etxabe arrasatearra gogoan izan du. "40 urte zeramatzan Kanarietan bizitzen, eta 2020ko abenduan hil zuen bere bikotekideak Galdarren".

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.