23 urteko ibilbidea du Anelkar elkarteak, eta pixkanaka batzordea berritzeko asmoa ere badu- tela aitortu dute kideek. Hori dela eta, azaroaren 10ean, eguaztena, elkartearen egoeraren berri emateko herritarrendako batzar irekia deitu dute. "Batzordekideen artean dagoeneko bi aldaketa ditugu, eta alde ba- tetik, horiek jakinaraziko ditu- gu batzarrean. Bestetik, COVID-19a dela-eta azken bi urtetan ezer egiterik izan ez dugun arren, urte hauetan guztietan egindakoaren berri ere emango diegu herritarrei", azaldu du Anelkarreko Jabi Etxanizek. Aurrera begirako ekimen, erronka eta asmoen berri ere emango dute Anelkarreko kideek. "Batzarra ez da izango bazkideendako soilik; antzuolar orori irekia da eta Anelkarren egoeraren berri emateaz gain, errelebo aldaketarako bidea ere egin nahi dugula azalduko dugu bertan. Ateak irekita daude belaunaldi aldaketa hori gauza dadin eta lerrook aprobetxatu gura ditut herritarrak amatzeko", nabarmendu du Etxanizek.
Errelebo aldaketarako bidea abian du Anelkarrek
Azaroaren 10ean, eguaztena, Anelkarrek herritarrei irekitako batzarra egingo du Torresoroan, 19:00etan. Elkarteak 23 urtetan izandako ibilbideaz eta egungo egoeraz jardungo du, besteak beste.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
