Hobekuntza nabarmena izango da eguraldi txarra egiten duenean: "Egindako lanari esker, eguraldi txarra dagoenean lokatz gutxiago egitea lortuko dela uste dugu. Hortaz, eskerrik asko lanean aritu direnei eta musu-truk zelaiaren pasabidea utzi duten Galartza baserriko lagunei", adierazi dute Antzuolako Udaleko ordezkariek.
Jauregiko tunela
Bestalde, martitzenean Gipuzkoako Foru Aldundiak Antzuolako Udalari jakinarazi zion urria bukatu baino lehen lehiaketara aterako dituztela Bide Berdean dagoen Jauregiko tunela konpontzeko lanak. 2019ko abenduaren 13an, Santa Luzia egunean, gertatutako lur-jausi baten ondorioz, Jauregiko tunelaren sarrera erori egin zen. Kalte handiak ditu tunelak, eta lan sakona egin behar da bertan; gaur-gaurkoz, ezin da bertatik igaro.