Antzuolako kaleei kolorea emateko hainbat mural margotzearen proiektua onartu ostean, Andramanuelak emakume taldeak antolaturik, kolorez jantzi dituzte Ondarreko paretak.
Mural feminista honen bidez "urak gauzak eraldatzen dituen moduan, feminismotik eraldaketa bilatzea" irudikatu nahi izan dute, Andramanuelak taldeko kide Ione Larrañagak adierazi duen moduan. "Landareak margotu ditugu, landare eta loreek zerbait berria, gauza berriak hasten direla, ekartzen dutela irudikatzen dute-eta", azpimarratu du Larrañagak.
