Kutsatze kopuruek gora egin duten arren, (Antzuola eremu gorrian dago eta intzidentzia-tasa 1009,64koa zen atzo) Jai Batzordeak eta Udalak uztaileko ekintzekin aurrera egitea erabaki dute. Ondorioz, gaurtik domekara bitartean herritar guztiendako kultura ekintza izango da herrian. Ekintza guztiak neurriak zorrotz betez egingo dira: distantzia mantenduz, maskarak jantzita, sarrerak aurrez erreserbatuta, eta ekitaldiak egunez eginda, hain zuzen ere. "Zentzuz" jokatzeko eskatu die antzuolarrei udal ordezkariek.
Kultura egitaraua
Uztailak 16, barikua
• 10:00 Txistulariak.
• 11:00-16:00/16:00-18:00 puzgarriak.
• 20:00 Sonakay, patioan.
Uztailak 17, zapatua
• 09:55 'Kanoiak sutu!'. Txistularien goiz-eresia
• 11:00 Bergarako Bandaren kalejira.
• 19:00 Liher taldea.
Uztailak 18, domeka
• 12:00 Kale antzerkia.
• 19:00 Bingoa, plazan.