Ibilbide zati handia (ez guztia) PR-GI 3002 ibilbidea jarraituz egin dute, seinale zuri eta horiak jarraituta. Guztira, hogei kilometro dauzka ibilbideak eta gainditu beharreko desnibela 1075 metrokoa da.
"Argazkietan ikusten den bezala ingurua ikusgarria da. Komentatu dugu ez ote den inguru hau ezezaguna debagoiendarrentzat, tartean antzuolar askorentzat ere. Natura eremu honek pagadiak, kobazuloak, harkaitz ederrak, lorategiak... partekatzen ditu. Andarto gaina mila aurpegi adierazten duen mendia da. Batzuetan harkaitz hutsa badirudi arren, pagadi ederrak ditu bere hegaletan. Jaitsiera polita duen ibilbidea da; guk Araotz aldetik egin dugu, Santa Krutz ermitaraino. Hemendik, Urkulu errekaren ertzetik, txoko politak eskaintzen duen ingurutik, Goronaeta auzoraino jaitsi gara. Hemendik aparkalekura. Ibilbidea jarraitu nahi izanez gero hementxe esteka.
