Torresoroan izango dira bi emanaldiak, arratsaldeko seietan hasita, eta aretoko edukiera mugatuta egongo da –60 lagunekoa da gaur egun aretoko edukiera–. Pandemiak eraginda ez da urte erraza izan, baina ikasturtea aurrera ateratzea lortu dute, eta emaitzaz gozatzeko aukera izango dute antzuolarrek.
Askotariko doinuak
Pianoa, gitarra, saxoa, klarinetea, tronboia eta trikitia izango dira Torresoroako oholtza gainean protagonista datorren astean. Askotariko doinu ezagunak izango dira entzungai Musika Eskolako ikasleen eskutik. Beethovenen pieza klasikoak eta Alfredo Gonzalez Chirlaque konpositore bergararraren Antzuolako doinuak pieza ezaguna, esaterako.