"Antzuolan dokumental emanaldia eta egubakoitzeko elkarretaratze berezia egingo dugu. 19:00etan Zurrategin egingo dugu astero moduan elkarretaratzea. Asteburuari begira, antzuolarrak inguruko herrietan egingo diren ekintzetan parte hartzera animatuko ditugu", adierazi du Antzuolako Sarek.
Caminho Longe dokumentala, 2020koa da eta hauxe da sinopsia: "Nola itzuli etxera 33 urte badaramatzazu Afrikan deportatuta? Alfonso Etxegarai etakide ohiak etxera itzultzeko bideari ekitea erabaki du hamarkadak eman ondoren Afrikako Sao Tome uhartean erbesteratuta Espainiaren eta Frantziaren aginduz. Kristiane Etxaluz adiskide nekaezina dauka alboan".