"Igogailua jartzearekin batera, komunak berriztuko dira, gelen banaketan aldaketak egingo dira, hainbat instalazio eguneratu egingo dira, eta margotu egingo da. Gauzak ondo bidean, 2021eko abendurako Olaran berriztuta egongo da. Jakina, obrak irauten duen bitartean Olarango gela asko ezingo dira erabili. Dagoeneko bertan ia egunero dauden musika eskolako, trikitiko, eskulanetako, euskarako edo ingeleseko eskolei, besteak beste, aurkitu diegula alternatiba; baita Olaranen egoitza duten herriko taldeei ere. Hala ere, noizean behin bilerak egiten dituzten taldeei gogorarazi nahi diegu inoiz baino beharrezkoa dela gelen erreserba idatziz eta zuzen egitea udaletxean". Olarango berritze eta egokitze lanek, 180.000 euroko aurrekontua dute.