2013an sortu zenetik, otsaileko hirugarren domekan egin ohi dute Antzuolako Zortzi Miliak mendi lasterketa. Denboraldiko lehen lasterketako bat izaten da, eta, ohiko datekin jarraituz, datorren domekan egin beharko lukete proba, baina bederatzigarren edizioa 2022rako lagatzea erabaki du lasterketaren talde antolatzaileak.
Debagoienean, errotua
Izena emateko epea zabaldu ere ez dute egin aurten. 2020ko edizioan 280 korrikalarik parte hartu zuten Antzuolako proban, eta %70 bailarako korrikalariak izan ziren. Aurtengoak bederatzigarren aldia beharko zuen, eta probak azken urtean izandako arrakastaren erakusgarri da iaz hiru orduan 240 lagunek eman zutela izena. 2021era begirako saia-kera bat egin nahian, duela aste batzuk, Strava aplikazioaren bidez saio birtuala osatzeari buruz hitz egin zuten; azkenean, baina, baztertu egin dute hori.