SOS Ostalaritza plataformako ostalariek manifestazioa deitu dute ostalaritza-sektorea "desagertzeko arriskuan" dagoela salatzeko. Azaroaren 7an egingo dira manifestazioak eta Antzuolako ostalariek ere bat egingo dute. "Ostalaritzan hartutako neurriak beste sektoreekin konparatuta gehiegizkoak direla iruditzen zaizkigu. Ostalaritza kriminalizatzen ari dira. Ordutegi eta edukiera murrizketek diru sarreren %60-80ko murrizketak ekarri dizkigu; batzuen kasuan %100a. Ostalaritza desagertzeko zorian dago. Salatu nahi dugu, osasun neurri hauek ostalaritzaren itxiera dakartela. Oso argi daukagu osasun egoeraren larritasuna eta ulertzen dugu neurriak hartu behar direla, baina ez dugu ulertzen ostalaritzako murrizketak horren zorrotzak izatea. Murrizketak direla eta laguntzak eskatzen ditugu. Ostalaritzak lan egitea eskatzen du. Lan egiten usten badigute, eta murrizketak egonez gero, laguntzek orekatu dezakete egoera; ez dugu gehiago eskatzen. Lan egitea nahi dugu, gure negozioak aurrera ateratzeko. Eta azkenik eskerrak ematea egunez egun egoera hau eramangarriagoa egiten duten bezero guztiei. Eskerrik asko zuen iraunkortasunagatik eta laguntzagatik", diote Antzuolako ostalariek. Gaineratu dute bezeroen eta herritarren babesa ezinbesteko dutela eta manifestazioan parte-hartzera dei egiten diete balkoietatik zein kaleetatik lapikokada bidez.