Azaroa izan ohi da prostatako minbiziaren ikerketarako dirua batzeko eta gaixotasunari ikusgarritasuna emateko hilabetea, eta aurtengoan ere hala egin nahi izan dute Antzuolan. Gaur eguerdian aurkeztu dute Movember Antzuola taldeko kideek bibotedun maskarak jantzi eta kontzientziazio kalejira egin dute herriko kaleetan zehar, maskarak saldu eta taldea ezagutzera emateko asmotan.
Ekitaldi gehiago egiteko asmoa
Lehenengo ekitaldi honek emandakoaz galdetuta "pozik" agertu dira taldeko kideak, hala azaldu du Mikel Larrañagak: "Taldekide gehiago lortu ditugu eta herrian egindako konzienziazio kalejiran salmentarako geneuzkan maskarilla guztiak saldu ditugu". Hemendik aurrera ere, eskariak jasotzeko prest izango direla azaldu dute: "hamabost egun barru egingo dugun beste konzienziazio kalejiran maskarilla gehiago saltzeko asmoz aterako gara".
