Lourdes Odriozola Oiarbide historialariaren ikerketa jasotzen duen liburua, Antzuolako Alardea. Ikerketa historikoa, azaroaren 5ean aurkeztuko dute Torresoroan 18:30ean. Liburua erosteko aukera ere izango da (10 euro).
Osasun egoera kontuan hartuta, dagoeneko ohikoak diren neurriak aintzat hartu beharko dira aurkezpen garaian: sartzeko leku mugatua izatea, aurpegirako maskara erabiltzea, distantziak mantentzea eta sarrera-irteeretan eskuak garbitzea. Meet bidez jarraitzeko aukera ere izango da: http://meet.google.com/eff-shbz-soo
eraldaketa
"Urte askoan gauza asko egin dira; baina, sumatua genuen alardeari falta zitzaiola ikuspegi osoa emango liokeen ikerketa lan sakon bat. Besteak beste, historia kontakizunean antzemandako hutsuneak eta gaizki ulertuak zuzentzeko. Elkartearen sorreraren arrazoia eta azken hamarkadan abian jarri tako biziberritze prozesuaren emaitza ere bada ikerketa. Argi daukagu gizartea aldatzen den heinean tradizioa bera ere egokitu beharra dugula; izan ere, Antzuolaren historian eta nortasunaren ezaugarrietan oinarrituta dago gure ohitura", diote elkartetik. Erakusketa antolatzen ere badihardutela jakinarazi dute.